سينموووووون سهل وروووووعــــه

بسم الله الرحمـــــن الرحيم


السلام عليكم ورحمه الله ..


يا حبيبااااتي يا نملات << اللي يحبون السكر هههههه

اليوم جايبه لكم سينمون او سينابون او سينزون رول عاد انتوا اختاروا اللي تبون خخخخخخخ

قبل فتره كان عندنا استراحه وقلت بسوي هالحلا .. والحمدلله لاقى اعجاب الكل

والحمدلله الفضل يرجع بعد الله لـ فيافي نجد وعجينتها الروعه ..

ومن عرفت عجينه العشر دقايق وانا مطمنه ان اي نوع معجنات اسويه سواء مالح او حلو راح يضبط معــي

وطبعا راح اقولكم المقادير والطريقه بالصـــور ...

واعتذر من صاحبه الصوره التوضيحيه لاني ابي اوصل الفكره للبنات فما لقيت الا ان اسوي بحث في قوقل ولقيت هالصوره ولطشتها ههههههههه

يلا بسم الكريم نبدأ


مقادير العجينه : (( اتبعوا التسلسل في طريقه المقادير ))

فنجان قهوه ســـكر

2 م وسط (( حقت الحلا )) مو (( حقت السكر او الاكل )) خميره

نص م وسط B.B << بيكنج بودر

ذره ملح

2 او 3 م اكل حليب بودره

2 كوب (( سواء العياري او حق جبنه كرافت )) دقيق الكويت

تحرك مع بعض ثم يضاف لها 2 كوب ماء دافي .. وتحرك (( تصبح عجينه لينه مثل اللقيمات واخف ))

غطيها وخليها عشر دقايق بالضبط ..

ثم يضاف لها نص كاس زيت وحركي الين يختفي الزيت

واخيراً 3 اكواب دقيق .. واعجنوا زين واخيراً رطبي العجينه بشويه زيت (( لانك لو رطبتيها بدقيق راح تقسى عليك ))




على بال ما ترتاح العجينه شوي ..

حضروا :

زبديه اخلطوا فيها سكر ابيض او اسمر وقرفه مطحوونه وقليل شوكولاته بودره

وزبديه ثانيه يكون فيها زبده مذوبه (( راح تكون بمثابه الغراء بين العجينه والقرفه ..))



خذي جزء من العجينه وافرديه .. وادهنيه بالزيده .. ورشي عليه من خلطه القرفه

وهذي صوره توضيحيه ..





واذا لفيتيها كامله اقطعيها بالخيط << هالطريقه اخذتها من عزيزه الله يجزاها الجنه

واذا ما تعرفين اقطعيها بسكين تكون حاده عشان تحافظ على دوران الحلقات

واخبزيها في الفرن حراره متوسطه من تحت لمده 7 - 8 دقايق

ومن فوق الين تحـــمر

طلعيها وسقيها اللي تحبين (( صوص من ابتكارك او ابتكار بنات حواء - حليب نستله - شيره ))


وهذي صوري النهايه وان شاء الله تعجبكم ..

انا خبزتها في صواني تيفال .. ثمن رصيتها في بايركس












وبالعاااااااااااااااافيــه





وان شاء

الله سويها لنا
ههههه
مشكوره على النقل الرائع
تقبلي مررررررروري

من عيوني بسويها اذا شفت قفاك ههههههه

يسلمو على الموضوع