الود ودي اني اشوفك
وابوس راسك واحضن اكفوفك
اقسم احبك طمني خوفك
واني بحبك صرت مجنونك
يانبض قلبي وشهقة انفاسي
ياعمر عمري وكل احساسي
يابلسم لحزني وهوجاسي
الله يجعلني فدا اعيونك
ان غبت عني تشتعل جمره
وتصبح حياتي حيل مندمره
ودموع عيني سيل منهمره
اصبها وتغرق اجفونك
ياني احبك حب لو تدري
ياللي بقربك يرتفع قدري
حب عظيم لك وسط صدري
واللي حكوا لالا يهمونك
سبحان رب فيك خلاني
اهيم بك من كل وجداني
واكتب شعوري واجمل اغاني
كل المشاعر بي يحبونك
كتبت فيك الشعر يالغالي
لانك انتي كل امالي
تشهد على حبي لك افعالي
حتى صديقاتك يحسدونك
على غلاك اللي سكن قلبي
وعلى وفاك اللي رسم دربي
وعلى جنون الحب ياربي
العمر ماهو عمر من دونك
اي والله اني بعترف لناس
انك حياة الروح والانفاس
واني بحبك رافع هالراس
واني افتخر لو صرت مجنونك
الثلاثاء مايو 27, 2008 9:02 pm
