المقادير
مكرونه أي شكل متواجد عندك وبالكميه الي تبغينها انا حطيت نص عليه كبيره وممكن تحطين اكثر من شكل
مقادير (خلطة اللحمه)
بصل مقطع صغير
2 فص ثوم مقطع صغير
حبتين بطاطس حجم صغير مقطعه مكعبات صغيره<<<<من حبي بالبطاطس ادخله بكل اكلاتي بس تقدرون تستغنون عنه
لحم مفروم
خضار مشكله بالكميه الي تحبينها انا حطيت صحن صغير بس
مكعب ماجي
(بهارات مطحونه مشكله –فلفل اسود-ملح)
ملاحظه صغيره اذا حبيتي تضيفين صلصة طماطم مع شوي ماء براحتك وبتجي لذيذه وانا دايم اسويها بس اليوم غيرت وما اضفتها بوصفتي
مقادير (الباشميل)
ملعقتين اكل دقيق ابيض
ملعقتين زيت
كاستين كبيره حليب سائل
ماجي مكعبين او حسب الرغبه
جبن سايل ملعقتين اكل او جبنه مبشوره او الموجود عندك
الطريقه
نسلق المكرونه على النار بماء وملح وشوي زيت بس
بالنسبه للحم المفروم نحطه بمقلاه كبيره ونحركه الا ان يتغير لونه وبعدين نحط عليه البطاطس وقليل من الزيت تقريبا ملعقتين عشان تتحمر البطاطس تقدرين تقلينها لو بغيتي بس انا ماقليتها لاني احاول اقلل من السعرات الحراريه الي باكلي المهم تخلينها على نار منخفضه لمدة عشره وبعدين نضيف البصل والثوم وكمان بنخليها حوالي 5 دقايق الى ان تتحمر الخلطه واخيرا نحط الخضروات المشكله ونضيف البهارات كلها والفلفل الحار اذا حبيتي و نغطيها ونخليها تستوي على نار هاديه وبهذا الوقت نكون سوينا الباشميل
وطريقة الباشميل
نحط الزيت على النار ونضيف له الدقيق الى ان يثقل شوي ويتغير لونه نضيف الحليب البارد مع الجبنه والماجي
ونخليه يغلي عالنار الى ان يثقل ويصير مثل المهلبيه
وناخذ منه شوي على جنب عشان نغطي فيه الوجه في الاخير
وبعد ماصفينا المكرونه نقلبها بقدر الباشميل ونحركها سوا واذا حسيتي انه الباشميل مع المكرونه خفيف ارجعي حطيه شوي عالنار وخليه الى ان يثقل
وبعدين نحط المكرونه بالصينيه طبقه اولى وخلطة اللحمه تكون طبقه ثانيه واخيرا نضيف باقي المكرونه عالوجه
وناخذ الباشميل الي اخذناه على جنب ونحطه عالوجه وبس ونحمره بالفرن وبالصحه والعافيه
الأربعاء مايو 28, 2008 7:23 pm